மகா விஷ்ணுவின் அவதாரங்களிலேயே மிகவும் சக்தி வாய்ந்தது நரசிம்ம அவதாரம் தான். இறைவன் அனைத்து இடங்கள் மற்றும் பொருட்களில் நீக்கமற நிறைந்திருக்கிறான். அசைக்க முடியாத நம்பிக்கையுடனும், உண்மையான பக்தியுடனும் பக்தன் அழைத்ததும் சிறிதும் தாமதிக்காமல் உடனடியாக தூணிலிருந்து வெளிப்பட்டு, பக்தனை காப்பாற்றுவார் என்பதை உலகிற்கு உணர்த்தும் அவதாரம் நரசிம்ம அவதாரம்.
நரசிம்மர் என்றாலே மனித உடலும், சிம்ம முகமும் கொண்ட உக்கிர வடிவம் தான் அனைவரின் நினைவிற்கும் வரும். ஆனால் பக்தர்கள் அழைத்ததும் அடுத்த நொடியே ஓடி வந்து அருள் செய்யும் கருணாமூர்த்தி என்பது பலருக்கும் தெரியாது. நரசிம்மர் வழிபாட்டில் பலருக்கும் தெரியாத பல அரிய தகவல்களையும், நரசிம்மரின் அருளை பெற்றுத் தரும் சக்தி வாய்ந்த மந்திரங்கள் பற்றியும் இங்கே பார்க்கலாம்.
மகிமை வாய்ந்த நரசிம்ம அவதாரம்...
மகா விஷ்ணுவின் அவதாரங்களிலேயே மிகவும் சக்தி வாய்ந்தது நரசிம்ம அவதாரம் தான். இறைவன் அனைத்து இடங்கள் மற்றும் பொருட்களில் நீக்கமற நிறைந்திருக்கிறான். அசைக்க முடியாத நம்பிக்கையுடனும், உண்மையான பக்தியுடனும் பக்தன் அழைத்ததும் சிறிதும் தாமதிக்காமல் உடனடியாக தூணிலிருந்து வெளிப்பட்டு, பக்தனை காப்பாற்றுவார் என்பதை உலகிற்கு உணர்த்தும் அவதாரம் நரசிம்ம அவதாரம்.
நரசிம்மர் என்றாலே மனித உடலும், சிம்ம முகமும் கொண்ட உக்கிர வடிவம் தான் அனைவரின் நினைவிற்கும் வரும். ஆனால் பக்தர்கள் அழைத்ததும் அடுத்த நொடியே ஓடி வந்து அருள் செய்யும் கருணாமூர்த்தி என்பது பலருக்கும் தெரியாது. நரசிம்மர் வழிபாட்டில் பலருக்கும் தெரியாத பல அரிய தகவல்களையும், நரசிம்மரின் அருளை பெற்றுத் தரும் சக்தி வாய்ந்த மந்திரங்கள் பற்றியும்...
நரசிம்ம வழிபாடு
நரசிம்மர் பற்றிய அரிய தகவல்கள்
நரசிம்மர் 74 க்கும் அதிகமான ரூபங்களில் அருளக் கூடியவர். இதில் மிக முக்கியமானது 9 ரூபங்கள் ஆகும்.
உக்கிர நரசிம்மர், க்ரோதா நரசிம்மர், வீர நரசிம்மர், விலம்ப நரசிம்மர், கோப நரசிம்மர், யோக நரசிம்மர், அகோர நரசிம்மர், சுதர்சன நரசிம்மர், லட்சுமி நரசிம்மர் என்பன நரசிம்மரின் 9 முக்கி வடிவங்களாகும்.
இவற்றில் யோக நரசிம்மர் யோக நிலையிலும், லட்சுமி நரசிம்மர், மகாலட்சுமியை தனது மடியில் அமர வைத்த நிலையிலும் மட்டுமே சாந்த சொரூபமாக காட்சி அளிப்பார். மற்ற அனைத்திலும் உக்கிர வடிவமாகவே நரசிம்மர் காட்சி தருகிறார்.
பெரும்பாலான நரசிம்மர் கோவில்களில் வாழ்நாள் முழுவதும் பிரம்மச்சரியத்தை கடைபிடிப்பவர்கள் மட்டுமே தினசரி பூஜை செய்ய நியமிக்கப்படுகிறார்கள். யோக நரசிம்மர் மற்றும் லட்சுமி நரசிம்மர் கோவில்களில் மட்டுமே இந்த விதி கிடையாது.
எண்ணற்ற நரசிம்ம மந்திரங்கள் உள்ளன. இவற்றை எவர் ஒருவர் பயபக்தி, விடாமுயற்சி, அசைக்க முடியாத நம்பிக்கையுடன் பாராயணம் செய்கிறாரோ அந்த பக்தருக்கு பயத்தை நீக்கி, சகல நன்மைகளையும் நரசிம்மர் அருள்வார்..
நரசிம்ம மந்திரத்தை ஜபிக்க துவங்குபவர்கள் வியாழக்கிழமையில், நரசிம்மர் முன் நெய் விளக்கேற்றி வைத்து, மஞ்சள் ஆடை அணிந்து, வடக்கு நோக்கி அமர்ந்து பாராயணம் செய்ய துவங்க வேண்டும்.
நரசிம்ம மந்திரம் பாராயணம் செய்பவர்களுக்கு பயம், கஷ்டங்கள் நீங்கும். எந்த சூழலிலும் மன அமைதியை இழக்க மாட்டார்கள். துன்பங்களும், கஷ்டங்களும் அவர்களை நெருங்காது. மாறாகி அமைதி, செல்வ வளம், நிம்மதி ஆகியவை கிடைக்கும். எதிரிகளை வெல்லும் ஆற்றல் பிறக்கும்.
தடைகளை தகர்க்கும் நரசிம்ம மந்திரம்
நரசிம்ம மகா மந்திரம்:
ஓம் ஹ்ரீம் ஷெளமுகம் விரம் மஹாவிவ்னும்ஜ் வலந்தம் ஸர்வதோமுகம்
நரஸிம்ஹம் பீஷணம் பாத்ரம்மசிருத்யோர் மிருத்யம் நமாம்யஹம்
பொருள் :
கோபமும் தைரியமும் கொண்ட மகாவிஷ்ணுவே, உனது வெப்பமும் நெருப்பும் எங்கும் பரவுகின்றன. நரசிம்ம பகவானே, நீ எங்கும் இருக்கிறாய். நீ மரணத்தின் மரணம். நான் உன்னிடம் சரணடைகிறேன்.
நரசிம்மர் பிரணாமம் மந்திரம்
நமஸ்தே நரசிம்மாய, பிரஹலாதாஹலாதா தாயினி ஹிரண்யகசிபோர் பஹ்சாஹ
சிலா தன்க நகல்லயே
இதோ நர்சிம்ஹ பரதோ நர்சிம்ஹோ, யதோ யதோ யமி ததோ நர்சிம்ஹ,
பஹிர் நர்சிம்ஹோ ஹிருதயே நர்சிம்ஹோ,
நர்சிம்ஹம் அதிம் சரணம் பிரபாப்தே
பொருள் : ஹிரண்யகசிபு என்ற அரக்கனின் மார்பு போன்ற கல்லில் உளி போன்ற நகங்களைக் கொண்டு பிளந்து, பிரஹலாத மகாராஜாவுக்கு மகிழ்ச்சியைத் தருபவரான நரசிம்ம பகவானுக்கு நமஸ்காரம். நரசிம்மர் இங்கேயும் அங்கேயும் இருக்கிறார். நான் எங்கு சென்றாலும் நரசிம்மர் என்னுடன் இருக்கிறார். என் இதயத்தில் இருக்கிறார், வெளியிலும் இருக்கிறார். எல்லாவற்றுக்கும் பிறப்பிடமாகவும், பரம புகலிடமாகவும் இருக்கும் நரசிம்மரை சரணடைகிறேன்.
பலன் :
மிகவும் சக்தி வாய்ந்த இந்த மந்திரத்தை தொடர்ந்து உச்சரித்து வந்தால் தீராத கடன்கள், தீர்க்கவே முடியாத பிரச்சனைகள் ஆகியன தீரும். நெருக்கடியான, கஷ்டமான சூழ்நிலைகளில் இருந்து பாதுகாக்கும்.
தசாவதார ஸ்தோத்திரம்
தவ கர - கமலா - வரே நகம் அத்பூத-ஸ்ர்ங்கம்,
தலிதா-ஹிரண்யகசிபு-தனு-பிருங்கம்,
கேசவ த்ரத - நரஹரி- ரூப ஜய ஜகதீஸ ஹரே
பொருள் :
கேசவா! பிரபஞ்சத்தின் அதிபதியே! பாதி மனிதனாகவும் பாதி சிங்கமாகவும் உருவெடுத்த ஹரியே, உனக்கே எல்லாப் புகழும்! ஒருவரது விரல் நகங்களுக்கு இடையே குளவியை எளிதில் நசுக்குவது போல், குளவி போன்ற அரக்கன் ஹிரண்யகசிபுவின் உடலையும் உமது அழகான தாமரை கைகளில் உள்ள அற்புதமான கூர்மையான நகங்களால் பிளவுபடுத்தினாய்.
நரசிம்ம காயத்ரி மந்திரம்:
ஓம் நரசிம்ஹாய வித்மஹே
வஜ்ரநாகாய தீமஹி
தன்நோ சிம்ஹ பிரசோதயாத்
வஜ்ர நாகாய வித்மஹி
தீக்ஷ்ண தர்ம்ஸ்த்ராய தீமஹி
தன்நோ நரசிம்மஹ பிரசோதயாத்
நரசிம்ம மந்திரம் சொன்னால் என்ன பலன் கிடைக்கும்...
ஸ்ரீ நரசிம்ம மூல மந்திரம்:
உக்ரம் வீரம் மஹா- விஷ்ணும் ஜ்வலந்தம் ஸர்வதோ முகம்
நரஸிம்ஹம் பீஷணம் பத்ரம் மிருத்யும் மிருத்யும் நமாம்யஹம்
இந்த மந்திரம் அனைத்து கவச மந்திரங்களுக்கும் முதன்மையான கவச மந்திரமாக கருதப்படுகிறது. இந்த மந்திரத்தை சிறிய தகடு அல்லது மரப்பட்டையில் எழுதி, மடித்து, துளசி இலைகள் அல்லது மலர்கள் வைத்து நரசிம்மரின் பாதத்தில் வைக்க வேண்டும். இதோடு 16 வகையான பொருட்களை வைத்து நரசிம்மரை வழிபட்ட பிறகு அர்ச்சகர் பிராண-பிரதிஷ்டை செய்து நரசிம்மரை இந்த கவசத்தில் எழுந்தருளும்படி செய்வார்.
இதில் முழு பாதுகாப்பு சக்தியும் உருவேற்றிய பிறகு சிறிய கயிறுடன் இணைத்து கொடுப்பார். அதை ஆண்கள், பெண்கள் என அனைவரும் கழுத்திலோ அல்லது வலது கையிலோ கட்டிக் கொள்ளலாம். இந்த கவசம் எந்த சூழ்நிலையிலும், எந்த நேரத்திலும், எந்த இடத்திலும் அணியலாம். இது கவசம் போல இருந்து நம்மை காக்கும்.
நரசிம்ம மந்திர பலன்கள்:
நரசிம்ம மந்திரங்கள் அனைத்துமே கவச மந்திரத்திற்கு சமமானவை. எவர் ஒருவர் உச்சரிக்கிறாரோ அவரை கவசம் போல் காக்கும். இந்த மந்திரங்களை தொடர்ந்து சொல்லும் போது அதன் ஆற்றலை, பக்தர்கள் கண்கூடாக காண முடியும். கடன் பிரச்சனை, பண நெருக்கடி, நெருக்கடியாத சூழல், எல்லா வித கஷ்ட நேரங்களிலும் காக்கும்.
